اسلام آباد۔16نومبر(اے پی پی) صدرڈاکٹر عارف علوی ءَ نفسیاتی نادراہ اَنی علاج کنگءَ جدید پٹءُ پول ءُ نوکیں ترز کنگءِ ضلورتءِ سرءَ زور پِرداتگءُ گشتگ کہ نفسیاتی نادراہی ءُ جیڑہءُ جنجالانی آماچیں مردمانی علاج کنگءَ ہوار مریض ءِ سیادءُ وارث ہم کمک بہ کن اَں۔ اے حیالانی درشانی آئیءَ جمعہ ءِ روچءَ لاہورءَ پاکستان سائیکاٹرسٹ سوسائٹی ءِ چیردستیءَ 22می میاں اوستمانی کانفرنسءَ گوں تران کنانءَ کتگ ۔ صدرءَ وتی گوشتانک ءَ گشتگ کہ بدبھتی ءَ پاکستان ءَ ذہنی نادراہی ءِ ہوالگءَ چہ مردمانی حیال شر نہ اَں بائد ایں آ سرپد کنگ بہ باں کہ اے نادراہی ءِ علاج اَست اِنت۔ صدرءَ گشتگ کہ اے نادراہی ءِ علاج کنگءَ سائیکاٹرسٹ ءِ ضلورت ایں ءُ مریض ءِ سیادءُ وارثانی کمک ءُ سماجی کمک ہم باز ارزشت داریت۔
