وزیراعظم نا سلاہکار واپار عبدالرزاق داؤد نا ایوان بالا ٹی ورندی

اسلام آباد۔ 16نومبر (اے پی پی) وزیراعظم نا سلاہکار واپار عبدالرزاق داؤد پارے کہ 570 لگژری گڑاتیا ریگولیٹری ڈیوٹی ءِ ودفنگانے، خام مال آ ڈیوٹی ءِ کم کننگک، داڑآن ملکی پیداوار ودک و درآمد آک کم مریرہ۔ جمعہ نادے ایوان بالا نا دیوان اٹی وقفہ سوج آتے ٹی سینیٹر مشتاق احمد ، سینیٹر طلحہ محمود ، چوہدری تنویر چوہدری خان، سینیٹر جہانزیب جمالدینی و نعمان وزیر نا ضمنی سوج آتا ورندی ٹی وزیراعظم نا سلاہکار واپار و ٹیکسٹائل عبدالرزاق داؤد پارے کہ سپلیمنٹری بجٹ اٹی 570 لگژری آئٹم تیا ریگولیٹری ڈیوٹی ءِ ودفینن۔ اونا فائدہ بروک آ دے تے ٹی مون آ بریک، اشیاء تعیش و غیر المی گڑاتا درآمد آتے ٹی کمتی کن گام گیج کننگ انگ ءِ۔ انڈونیشیا تون ایف ٹی اے نا رداٹ زیات آن زیات پیداوار پاکستان اٹی مریک و برآمد آک ودرہ۔ اوپارے کہ ریگولیٹری ڈیوٹی تیار گڑاتیاودفنگک۔ خام مال آ ڈیوٹی تے کم کننگک، داڑآن ملک اٹی پیداوار ودک و درآمد آک کم مریرہ۔ نن خوانہ ، خام مال ملک اٹی برے و داڑے مصنوعات آک تیار مریر۔ اوپارے کہ ملک اٹی ریفائننگ نا گنجائش کم مسنے، ہنداخاطران نن ویلیو ایڈڈ پروڈکٹس زیات خواہفنگ اُن ، ریفائننگ نا گنجائش ءِ ودفنگ اٹی کم از کم مسہ سال لگک۔