اسلام آباد۔ 16نومبر (اے پی پی) بنجائی وزیر تعلیم و کسبی تربیت شفقت محمود پارینے کہ فیڈرل ڈائریکٹوریٹ ایجوکیشن نا اسکول آتے ٹی استاد آتا 385پوسٹ خورک ءُ ، دونیم سد انا پبلک سروس کمیشن نا کمک اٹ بھرتی مروئی ءِ، ایلو پروموشن نا کمک اٹ پُر مروئی ءِ۔ جمعہ نادے سینیٹ اٹی سینیٹر میر کبیر احمد محمد شہی نا چکار کرفوک نوٹس نا ورندی ءِ ترسا بنجائی وزیر تعلیم و کسبی تربیت شفقت محمود پارے کہ فیڈرل ڈائریکٹوریٹ نا اسکول آتا حالیت ہمووڑ اف ہراوڑ مروئی ءِ ۔ بنجائی دارالحکومت اٹی داحال ءِ تو ایلو ملک انا حالیت آتا اندازہ ءِ کننگ مریک ، اسلام آباد اٹی استاد آتا 385پوسٹ خورک ءُ ، دونیم سد انا ریکروٹمنٹ پبلک سروس کمیشن نا کمک اٹ مروئی ءِ، 135 ءِ پروموشن نا کمک اٹ پُر کروئی ءِ ، بھرتی کن 110 پوسٹ آتا پبلک سروس کمیشن ءِ گدریفنگانے وخت اس کہ 140 زیر عمل ءُ۔ اوپارے کہ اسلام آباد اٹی 1770 ڈیلی ویجز استاد ءُ ہرافتے آخبتی کننگتنے، دابابت قاعدہ کانود نا جاچ ءِ ہلنگ اُن، اسلام آباد اٹی تعلیمی کارکڑد ءِ گچین جوڑ کننگک، اسلام آباد اٹی اسکول آ ہنپروک 28 آن 30 ہزار چناتے اسکول آ گدریفنگ کن پروگرام اس بناکننگ اُن، اسلام آباد اٹی ’’پیرا‘‘ نا دائرہ اختیار اٹی بھاز انگا معاملہ غاک بریرہ، ولے داسکان گڑاس معاملہ غاک عدالت آتے ٹی ءُ ہرا زوت ایسر مننگ نا گمان ءِ۔
