نوشتہی سوج جمع کرفوک آ باسک آتا وقفہ سوج آتے ٹی ساڑی مفننگ نا نوٹس ءِ ہلنگے، سینیٹر اعظم موسیٰ خیل

اسلام آباد۔ 16نومبر (اے پی پی) بلوچستان نا سینیٹر اعظم موسیٰ خیل پارینے کہ نوشتہی سوج جمع کرفوک آ باسک آتا وقفہ سوج آتے ٹی ساڑی مفننگ نا نوٹس ءِ ہلنگے۔ جمعہ نادے ایوان بالا ٹی اوپارے کہ ہراباسک آتا سوج آک ایجنڈاغا مریرہ و او ایوان آ بفسہ ، اوفتا سوب آن ننا سوج آک ایجنڈا غا بننگ کپسہ ، دانا ہم نوٹس ءِ ہلنگے۔