لاہور۔ 16نومبر (اے پی پی) یونائیٹڈ بزنس گروپ (یو بی جی) فیڈریشن پاکستان چیمبر آف کامرس اینڈ انڈسٹری (ایف پی سی سی آئی ) نا 28 دسمبر اٹی مروک آ بروک آ سالانہ گچین کاری تے کن مچ آ ملک اٹی گچین کاری مہم نا ارٹ میکو مرحلہ نا بناءِ کرے۔ یو بی جی نا چیئرمین و سارک چیمبر نا سینئر نائب صدر افتخار علی ملک جمعہ نادے یو بی جی نا کور کمیٹی آن تران کرسا پارے کہ یو بی جی ءِ مچ آ ملک اٹی چندی چیمبر آتیان بھاز زیات مخ تفی ملانے و داحقیقت نا باوجود کہ ننا اپوزیشن ہنداخہ نزور ءِ کہ نن گچین کاری مہم آن بیدس ہم اوفتے آن بھلو پرخ اسے اٹ گچین کاری تے کٹنگ کینہ ولدا ہم نن تینا گچین کاری مہم ءِ ترند کرینن و گچین کاری مہم نا ارٹ میکومرحلہ کن غٹ راہشون و کارندہ غاک اسہ گچین ءُ ڈٹ بندی اسے تون بناءِ کرینو۔ اوپارے کہ یو بی جی سرکڑدہ غاک سخت خواری اٹ حکومت تون کاروباری برادری نا شرف ءِ بحال کرینے و اوفتا زیات آن زیات ویل آتے ایسر کننگ کن کوشست کرینے و دادے آخبت اٹی ہم برجاتخنگک۔ اوپارے کہ سیلز و ٹیکس ریبیٹ نا پدی نا بناک یو بی جی و ایف پی سی سی آئی نا صدر غضنفر بلور نا بھلو سرسہبی اسے ہراک دا معاملہ ٹی بھاز زیات و سخت کاریم کرینو۔ داوخت آ یو بی جی نا پیٹرن چیف ایس ایم منیر، صدارتی اومیت دار انجینئر داروخان اچکزئی، مرزا اختیار بیگ، محمد اعجاز خان عباسی، نور احمد خان، محمد نقی باری، قربان علی ، عبدالوحید ، حاجی افتخار احمد، عبدالرؤف مختار، محمد ارشد جمال و مسکوہی صدر زبیر طفیل، میاں محمد ادریس ، روف عالم ، زبیر احمد ملک، سہیل حسین ملک، رحمت اللہ جاوید و عرفان یوسف ئسک ساڑی ئسر۔
