اسلام آباد۔ 16نومبر (اے پی پی) خواجہ نبی پاک ؑ نا ودی دے ءِ مذہبی جوش و جوزہ و شان و شرف اتون سرکاری وڑاٹ اڈتننگ کن 2 دے ئی انٹرنیشنل رحمت اللعالمین کانفرنس 20 و 21 نومبر آ اسلام آباد اٹی مریک۔ اینخونا سال کانفرنس نا سرحال ’’ختم نبوت و مسلمان تا زمواری تعلیمات نبوی نا روشنی ٹی ‘‘ تخنگانے۔ وزارت ہذہبی امور نا ذرائع نا رداٹ کانفرنس آن مست (پگہ) ہفتہ نادے جہانی محفل حسن قرات و نعت انا مقابلہ نیو میمن مسجد کراچی ٹی خفتن نا نماز آن پد مریک۔ یک شنبے نادے گورنر ہاؤس لاہور اٹی محفل سماع مریک۔ قومی سیرت کانفرنس نا وخت آ قومی و علاقائی زبان تے ٹی سیرت طیبہ آ نوشتہ کروک آ کتاب و سیرت، مقالہ سیرت و نعتیہ کلام نا مقابلہ مریک ہرافتے ٹی اول ، دوئم و سوئم بروک آتے انعام تننگک۔
