اسلام آباد۔ 16نومبر (اے پی پی) چین پاکستان اقتصادی راہداری ڈٹ (سی پیک) نا رداٹ فیصل آباد اٹی علامہ اقبال انڈسٹریل سٹی اقتصادی زون آ کاریم ترندی اٹ برجاءِ ، دازون اکن 3000 ایکڑ ڈغار دوئی کننگانے و صنعتی بستی نا جوڑ کننگ کن گام گیج آتا چرجوئی ترندی اٹ برجاءِ۔ وزارت ڈٹ بندی ٹی قائم سی پیک سیکرٹریٹ نا کمامدارآک اے پی پی ءِ پاریر کہ اقتصادی زون اٹی میوہ و خور انا گڑاتا پیکجنگ ، ٹیکسٹائل سٹچنگ ونیٹنگ ، فارماسیوٹیکل، انجینئرنگ ، کیمیکل ، فوڈ پراسیسنگ ، پلاسٹک و ایلو تعلقدار صنعت آتا جوڑ کننگ و اوفتے کن آسراتی تیا چکار کننگک۔ اوپاریر کہ دا صنعتی بستی آن ساہیانوالہ انٹرچینج اتون ءِ۔ داعلاقہ ٹی صنعتی بستی نا جوڑ کننگ نا سلاہ وسوج صوبائی حکومت نا کنڈآن بسوسس و داٹی بنجائی حکومت نا کنڈآن ہچ ءُ مداخلت اس کننگتنے۔ کمامدارآتارداٹ سی پیک نا ارٹ میکو مرحلہ نا رداٹ پاکستان اٹی چین نا کمک اٹ صنعتی انقلاب اس بریک۔ دامرحلہ ٹی ملک انا ہر چار آ صوبہ، گلگت بلتستان ، فاٹا و آزاد کشمیر اٹی جم وڑاٹ 9 صنعتی زون جوڑ کننگک۔
