اسلام آباد۔ 16نومبر (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تے ٹی جان جوڑی نا آسراتی تا شونداری کاریم تے کن داوخت اسکان اسہ ارب 34 کروڑ 16لکھ روپئی آن زیات نا فنڈ جاری کننگانے۔ حکومت داڈویژن نا شونداری کاریم تے کن اینخو نا مالی سال اٹی 10 ارب 89 کروڑ روپئی نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نار داٹ حکومت کامن یونٹ کن اسہ کروڑ 21 لکھ، جی ایم پی نا جوڑ کننگ کن 11 کروڑ 33 لکھ، ای پی آئی پروگرام کن 4کروڑ، اے جے کے ٹی چائلڈ ہیلتھ پروگرام کن 12 کروڑ 96لکھ، گلگت بلتستان اٹی چائلڈ ہیلتھ پروگرام کن 6کروڑ 19 لکھ، پرائمنسٹر نیشنل ہیلتھ پروگرام کن 96کروڑ روپئی آن زیات نا فنڈ جاری کرینے۔
