اسلام آباد۔ 16نومبر (اے پی پی) اینخو نا مالی سال 2018-19 ء نا اولیکو چار تُو اٹی جولائی آن اکتوبر اٹی کرنٹ اکاؤنٹ نسخان اٹی 4.5 درسد کمتی واقع مسنے۔ اسٹیٹ بینک آف پاکستان (ایس بی پی) نا رپورٹ نا رداٹ جاری مالی سال اٹی جولائی آن اکتوبر 2018ء ٹی ملک انا کرنٹ اکاؤنٹ نسخان 4.84 ارب ڈالر اسکان کم مسنے وخت اس کہ گدرینگوک آ مالی سال اٹی جولائی آن اکتوبر 2017 ء ٹی حسابات جاریہ نا قومی نسخان 5.07 ارب ڈالر ریکارڈ کننگاسس۔ ہنداوڑ گدرینگوک آ مالی سال انا مقابلہ ٹی اینخو نا مالی سال انا بنائی چار تُو اٹی کرنٹ اکاؤنٹ نسخان اٹی 0.23 ارب ڈالر یعنی 4.5 درسد نا کمتی ریکارڈ کننگانے۔
