اسلام آباد۔ 16نومبر (اے پی پی) پاکستان تحریک انصاف نا سیکرٹری جنرل ارشد داد سینیٹ نا گچین کاری تے ٹی سرسہبی آ ولید اقبال و سیمی ایزدی ءِ مبارکبادی تسنے ۔ جمعہ نادے پاکستان تحریک انصاف نا کنڈآن جاری بیان نا رداٹ پی ٹی آئی نا سیکرٹری جنرل پارے کہ تحریک انصاف نا پوسکن گچین مروک آ سینٹر آک سرسہبی کن گچین گچین کاری مہم اس چلیفیر و نن سینیٹ گچین کاری تے ٹی بے مٹ کمکاری آ سیوتی جماعت آتا منت وار اُن۔ اوپارے کہ دا سرسہبی آ تحریک انصاف پنجاب نا پارلیمانی پارٹی مبارکباد ناحقدار ءِ۔ اوپوسکن گچین مروک آ سینیٹر آتے کن نیک است خواہی نا درشانی ءِ کرے۔ ارشد داد پارے کہ تحریک انصاف ءِ پارلیمان نا تہہ ٹی و پیشن گچین انگا سیاسی جماعت جوڑ کینہ۔
