کوئٹہ ۔16 نومبر(اے پی پی) بلوچستان نیشنل پارٹی نا صوبائی اسمبلی نا باسک میر احمد نواز بلوچ پارینے کہ سی پیک ءِ بے کچ اہمیت تخوک ءُ ڈٹ اس گوندسا پارینے کہ نن سی پیک نا حق اٹی اُن ،ولے سی پیک نا رداٹ شونداری ڈٹ آک بایدے گوادر آن بناکیر، گوادر نا الس نا زند داسکان ءِ بدحال ءِ، شونداری نا بھرمک ہمو وخت اسکان الس ءِ سرمفسہ ہرا وخت اسکان انصاف مفک ہمووخت اسکان بلوچستان شوند ہلپک،داوخت آ او ’’ اے پی پی ‘‘ تون ہیت وگپ کرسا کرے ، اوپارے کہ نن شش ٹکی ایجنڈا ءِ بنجائی حکومت آ پیش کرینن اسہ سوج اسے نا ورندی ٹی او پارے کہ بلوچستان ٹی تعلیم نا ویل ءِ مون نا تخسا نن اوٹی بھلو گچینی اس اتنگ اُن داوخت آ اسکو ل و کالج آتیان گچین مروک آ مار و مسٹر تے اسکالر شپ تننگ نا پارت کرینن،نن خوانہ کہ بلوچستان نا چنا ک تعلیمی پڑ اٹی کل آن مون آ کار،دارداٹ چنا تے تینٹ ہم کوشست کروئی مریک ۔
