کوئٹہ۔ 16 نومبر (اے پی پی) میڈیکل سپریٹنڈنٹ سول سنڈیمن پروونشل ہسپتال کوئٹہ ڈاکٹر محمد سلیم ابڑو پارینے کہ سرکاری کہول آ الس ءِ درمان نا گچین آسراتی فراوان کننگ کن ایکسرے ڈیپارٹمنٹ تون اوار غیر فعال لیبارٹری تے بحال کننگانے وخت اس کہ منظور مروک پیسہ غاتا جاری پرمان جاری کرسا 1کروڑ 53لکھ روپئی نا دوائی مرکزی میڈیکل اسٹور ءِ تننگانے۔ داخیال آتا درشانی ءِ او ’’اے پی پی‘‘ تون خصوصی ہیت وگپ کرسا کرے۔ ایم ایس سول ہسپتال پارے کہ شار انا نیام اٹ جوڑ مننگ نا سوب الس نا گیشتری ننا ہسپتال تون رجوع کیک غیر المی ٹریفک نا سوب مریض و اسٹاف ءِ مشکل مسکہ ہرانا سوب آن سول ہسپتال اٹی نجی گاڈی تا پترینگ انگ آ پابندی خلنگانے وخت اس کہ ڈاکٹرز و میڈیا تون وابستہ بندغ آتے گاڈی تا ہسپتال نا تہہ ٹی پارکنگ کن خصوصی اسٹیکر جاری کننگانے ۔ اوپارے کہ سول سنڈیمن ہسپتال اٹی درستی راستی کرفوک آ دا اصلاحات آتے ٹی الس ءِ جان جوڑی نا گچین آسراتی تا فراوانی ٹی آسانی ودی مسنے۔
