اسلام آباد۔ 15 نومبر (اے پی پی) مزن وزیرعمران خان ءَ واجہ محمد مصطفی ﷺ ءِ زندمان ءِ توامیں پڑ آنی سہرا کنگ ءِ واستہ چیئرمین ای سی ءَ را ملک ءِ سئے ٹوھیں یونیورسٹی ءَ سیرت چیئر ءِ جوڑ کنگ ءِ واستہ پلان تیار کنگ ءِ پنت ءُُ شون کت۔ آئی ءَ اے پنت ءُُ شون چیئرمین ہائر ایجوکیشن کمیشن طارق بنوری ءَ را پنچ شمبے ءِ روچ ءَ مزن وزیر کارگس ءَ گند ءُُ نند ءِ ساھت کت۔ مزن وزیر ءَ گوشت کہ ’’سیرت چیئر‘‘ ءِ جوڑیشت ءِ مول ءُُ مراد واجہ ءِ زندمان ءُُ اخلاق ءِ سر ءَ جینوئن ریسرچ ءُُ آئی ءِ سیرت ءَ را سہرا کنگ اِنت تانکہ نا ایوک ءَ پاکستان بلکینگ ءَ سرجمیں دُگنیا ءَ نندوکیں مسلمان اے پٹ ءُُ پول ءُُ زانشت ءِ ھزانگ آں چہ سیت چست بکن اَنت۔ مزن وزیر ءَ گوشت کہ اے کار ءَ چہ اسلام ءِ ھلاپ ءَ ھرابیں پروپیگنڈا آنی گوما مقابلہ کنگ ءَ کمک رسیت۔ آئی ءَ گوشت کہ واجہ محمد مصطفی ﷺ ءَ گوں محبت ھمک بنی آدم ءِ ایمان ءِ بھر اِنت۔ مزن وزیر ءَ گوشت کہ اے سال ءَ عید میلاد النبی ﷺ ءِ موہ ءَ ’’رحمتہ اللعالمین کانفرنس‘‘ ءِ برجم دارگ بوھگ ءَ اِنت ایشی ءِ مو ل ءُُ مراد سرجمیں زمین ءُُ زمان ءِ واجہ ءِ مبارکیں سیرت ءَ را سہرا کنگ اِنت۔ چیئرمین ایچ ای سی ءَ مزن وزیر ءَ مزن وزیر کارگس ءَ یونیورسٹی جوڑ کنگ ءِ منصوبگ ءِ سر ءَ انوگ ءَ تاں بوتگیں دیمروئی کار آنی سرءَ دیمروئی کار آنی سر ءَ سرپد کت۔
