اسلام آباد۔ 15 نومبر (اے پی پی) صدر مملکت ڈاکٹر عارف علوی ءَ گوں داؤدی بوہرہ گل ءِ ڈل ءَ شیخ کومیل ءُُ شیخ یونس ءِ سروکی ءَ پنچ شمبے ءِ روچ ءَ ادا گند ءُُ نند کت۔ صدر ءِ مملکت ءَ ملک ءِ چاگردی ءُُ اقتصادی دیمروئی ءَ بوہرہ برادری ءِ کرد ءَ را ساڑات۔ آئی ءَ ایٹماسپیئر ءِ رکھینگ ءَ برہانی فاؤنڈیشن ءِ کرد ءَ را ساڑات۔ صدر ءَ اے گپ ءِ سر ءَ زور پر دات کہ حکومت ءَ ساپیں ءُُ سرسبزیں پاکستان ءِ گامگیج کتگ ایشی ءِ مول ءُُ مراد ایٹماسپئیر ءِ مٹ ءُُ بدلی ءِ جیڈھ آں چہ رکھگ انت۔ آئی ءَ بوہرہ برات آنی سر ءَ زور پر دات کہ آ اے گامگیج ءَ وتی جوڑیشتی کرد ءَ پیلو بکنت۔ ڈل ءَ صدر ءِ مملکت ءَ را گوشت کہ آ 5لکھ درچک ’’عطیہ‘‘ دنت ایش ملک ءِ اندر ءَ جنگ بنت۔ صدر ءَ اے جوزگ ءَ را ساڑات ءُُ اے درچک آنی کشگ ءَ رند تاں مزن بوھگ ءِ چار ءُُ گدار کنگ ءِ ضلورت ءِ سر ءَ زور پر دات۔
