کوئٹہ ۔15 نومبر (اے پی پی) ڈپٹی میئر میٹروپولیٹن کارپوریشن محمد یونس بلوچ پارینے کہ کوئٹہ شار اٹی 58حلقہ غاتیٹی شونداری کاریم بھاز ترندی اٹ برجاءِ ، دا خیا ل آتا درشانی ءِ او ’’ اے پی پی ‘‘ تون ہیت و گپ کرسا کرے ، او پارے کہ 2016-17 کن مچ آ شونداری کاریم تے جاری کننگا نے و مچ آ کونسلر آتے پارت جاری کننگانے کہ او تینا تینا حلقہ غاتیٹی شونداری کاریم نا تینٹ چاروکی ءِ کیر،و ہراڑے ویل اس برے او اوفتا ازالہءِ کیر، او پارے کہ مچ آ انجینئر آتے ہم پارت جاری کننگانے کہ او یخ انابننگ آن مست کاریم آتے پورو کیرتانکہ الس نا مچ آبندادی ویل آک ایسرمریرو دا رداٹ کوالٹی نا خاص خیال ءِ تخنگ باز المی ءِ تانکہ کونسلر آتے ہچ ءُ گلہ اس مف۔ او پارے کہ مچ آکونسلر آتے خراج تحسین پیش کیوہ کہ کچ اٹنگا وسیلہ ٹی ہم او زیات ان زیات کاریم کرینو ،اوپارے کہ کوئٹہ شار ٹی مچ آبندادی ویل آتا ایسری کن پین فنڈ درکارءِ۔ تانکہ الس ءِ اوفتے بنداوی حق آک اوفتا درگہ غا ملر۔
