سبی۔ 15نومبر (اے پی پی) صوبائی وزیر جان جوڑی بلوچستان میر نصیب اللہ مری اسہ دے ئی دورہ کن سبی آ سرمس۔ سبی آ بننگ آ پی ٹی آئی نا کارندہ غاک اودے جم و جوش اٹ بخیر کریر۔ صوبائی وزیر جان جوڑی بلوچستان میر نصیب اللہ مری سبی ٹی اختہ ہی ءُ دے گدریفے او ڈویژنل ہیڈ کوارٹر ہسپتال نا دورہ و سرکٹ ہاؤس سبی ٹی تحریک انصاف نا عہدیدار و کارندہ غاتون ہم اوڑدہی کرے و اوفتا ویل آتے بنگ۔ سرجم احوال آتار داٹ صوبائی وزیر جان جوڑی بلوچستان میر نصیب اللہ مری اسہ دے ئی دورہ کن سبی آ سرمس، صوبائی وزیر جان جوڑی بلوچستان میر نصیب اللہ مری سبی آ بننگ آن پد ڈویژنل ہیڈ کوارٹر ہسپتال نا دورہ ءِ کرے اوڑتون اوار پی ٹی آئی نا راہشون خان خجک ئس۔ اوکان پد صوبائی وزیر جان جوڑی بلوچستان میر نصیب اللہ مری تون پاکستان تحریک انصاف نا ضلع و تحصیل نا عہدیدار آک میر حبیب الرحمان رند و ملک عارف نا سرکڑدہ ہی ٹی اوڑدہی کریر ڈل اٹی خان خجک، شیخ رشید خجک، ملک غلام سرور ہانبھی آن بیدس ایلو عہدیدار و راہشونک ہم ساڑی ئسر۔
