کوئٹہ۔ 15نومبر (اے پی پی) ڈائریکٹر جنرل ادارہ رکھ ماحولیات بلوچستان کیپٹن (ر) محمد طارق زہری پارینے کہ لسبیلہ ٹی بیدس رجسٹریشن آن چلینگوک آ 14کارخانہ غاتے بند کننگانے، انوائرمنٹ پروٹیکشن ایجنسی نا رداٹ غٹ فیکٹریک رجسٹریشن کننگ نا پابند ءُ و رجسٹریشن کرفپننگ کانود شکنی ٹی بریک۔ داہیت ءِ او پنچ شنبے نادے ’’اے پی پی‘‘ تون ہیت وگپ کرسا پارے، کیپٹن (ر) محمد طارق زہری پارے کہ السی غاو تیا وزیراعلیٰ بلوچستان جام کمال خان نا پرمان تے مون آتخسا این او سی آن بیدس چلینگوک آ 14کارخانہ غاتے بند کننگانے وخت اس کہ نایاب چک آتا شکار کروک آتا برخلاف پبی کارروائی کننگک و دارداٹ محکمہ ماحولیات نا غٹ انسپکٹر آتے پارت جاری کننگانے، اوپارے کہ کارخانہ غاتیان پیش تموک آ زہریلا مول و ذرات آن چاگڑدی کچٹی تالان مننگ ءِ و نوٹس جاری کننگ نا باوجود ای پی آئی آن فیکٹری مالک آک رجسٹریشن کرفتنو ہنداخاطران السی غاو تیا وزیراعلیٰ بلوچستان جام کمال خان نا پرمان تے مون آ تخسا لسبیلہ نا علاقہ حب و وندر اٹی 14فیکٹری تے بند کننگانے انتئے کہ چاگڑدی ایکٹ 2012 ء نارداٹ غٹ فیکٹری تے رجسٹریشن کرفنگ نا پابند ءُ۔
