اسلام آباد۔ 15نومبر (اے پی پی) پاکستان اٹی چین نا سفیر یاؤجن پارینے کہ چین پاکستان نا نیام اٹ تاریخی سفارتی و معاشی تعلقداری ءِ، سی پیک راہداری نا ہڑتوم آ ملک آتا نیام اٹ معاشی تعلقداری ٹی اہم ءُ کڑد اسے، ساڑی آ حکومت نا وژن نا رداٹ ہڑتوم آ ملک آتے ٹی نیزگاری نا چٹفنگ، کشت و کشار اٹی کمک سی پیک نا اہم ءُ بشخ اس مریک، اسپیشل اکنامک زون تے ٹی اول رشکئی اکنامک زون آ کاریم بناکیک۔ داخیال آتا درشانی ءِ او ایئر یونیورسٹی ٹی اڈ ہلوک آ سی پیک کیریئر سمٹ 2018 ء آن تران کرسا کرے۔ چینی سفیر پارے کہ سی پیک دنیا نا ملک آتا نیام اٹ اقتصادی و واپاری رابطہ اس جوڑ کیک۔ سی پیک دنیا نا قوم تا نیام اٹ اسہ پول اسے نا کڑد ءِ ادا کیک۔ اوپارے کہ ہڑتوم آ ملک آتا صنعت کار خصوصی اقتصادی زون تے ٹی جوائنٹ وینچر کیرہ۔ خصوصی اقتصادی زون اٹی جوائنٹ وینچر اٹی 80 درسد روزگار ہندی خلقت ءِ ملک۔ دافتے آن 80 درسد ایشیا برآمد مریک۔
