اسلام آباد۔ 15نومبر (اے پی پی) پارلیمانی سیکرٹری ڈٹ بندی، شونداری و اصلاحات کنول شوذب پارینے کہ چین پاکستان اقتصادی راہداری ڈٹ ہڑتوم آ ملک آتا نیام اٹ واپاری تعلقداری تے ٹی مزل نا نشان جوڑ مریک ہراٹی انفراسٹرکچر ، انرجی ، صنعت وکشت وکشار نا بشخ آتے ٹی کمکاری پاکستان نا اقتصادی حالیت ءِ بدلیفنگ اٹ کڑد ادا کیک۔ داخیال آتا درشانی ءِ او’’اے پی پی‘‘ تون خصوصی ہیت وگپ کرسا کرے۔ کنول شوذب پارے کہ سی پیک اسہ گیم چینجر ءُ ڈٹ اسے، ہندی مزور تپہ خاص کر ورناتے پوسکن آ کسب آتیان روشناس کرفنگ نا گرج ءِ تانکہ او ملکی صنعتی شونداری ٹی تینا کڑد ءِ ادا کننگ کیر۔ اوپارے کہ ننے تینا ورناتے پوسکن آ ٹیکنالوجی آن روشنا کرفوئی مریک تانکہ او پوسکن آ دنیا تون گام پہ گام چلینگ انگ کیر، داچرجوئی ٹی ورناتے ٹی ملازمت آن بیدس کاروبار نا رجحان ودی کروئی مریک۔
