اسلام آباد۔ 15نومبر (اے پی پی) بنجائی وزیر نیشنل ہیلتھ سروسز ریگولیشنز اینڈکوآرڈینیشن عامر محمود کیانی پارینے کہ جان جوڑی و تعلیم نا بشخ پاکستان تحریک انصاف نا حکومت نا اولیت ءِ،اسلام آباد ءِ جان جوڑی نا آسراتی تا لحاظ اٹ ماڈل سٹی اس جوڑ کننگ، قومی ادارہ معذور بندغ آتا بحالی (نرم) انا پوسکن آ ماڑی نا بناءِ بروک آ تُو اٹی کننگ، سرکاری ہسپتال تے ٹی لیبر، آپریشن تھیٹرز، وارڈز، سی ٹی اسکین و ایلو ٹیسٹ آتے کن پوسکن آ مشینری تتون اوار جان جوڑی نا آسراتی تے گچین جوڑ کننگ انگ ءِ، قبائلی ضلع غاتے ٹی غٹ خلقت ءِ جان جوڑی کارڈ فراوان کننگک۔ بنجائی وزیر ’’اے پی پی‘‘ تون خصوصی ہیت وگپ کرسا پارے کہ اسلام آباد ءِ جان جوڑی نا آسراتی تا لحاظ اٹ ماڈل شار اس جوڑ کننگ کنا مشن ءِ ہراڑکن وزیراعظم عمران خان خصوصی پارت تس۔
