اسلام آباد۔ 15نومبر (اے پی پی) وزیر خارجہ شاہ محمود قریشی تون پاکستان اٹی تعینات ملائیشیا نا ہائی کمشنر اکرام بن محمد ابراہیم پنچ شنبے نادے داڑے دفترخارجہ ٹی اوڑدہی کرے۔ دفترخارجہ نا ترجمان نا رداٹ ہیت وگپ اٹی چندی معاملہ غاتیا خیال آتا درشان و ہڑتوم آ ملک آتا نیام اٹ تعلقداری تے ٹی مثبت پیش رفت آ است جمی نا درشانی ءِ کننگا۔ ترجمان نا رداٹ وزیر خارجہ ہائی کمشنر ءِ وزیراعظم عمران خان نا دورہ ملائیشیا نا بارواٹ احوال تس ہرا شیڈول نا رداٹ 20 و 21 نومبر آمریک۔ وزیر خارجہ پارے کہ وزیراعظم نا دورہ غان ہڑتوم آ ملک آتا نیام اٹ ہڑتوم آ کنڈآتا تعلقداری تے پین سوگو کننگ اٹ کمک رسینگک و ہڑتوم آ کنڈآتا کمکاری نا پوسکن ءُ کسر ملنگک۔ ملائیشین ہائی کمشنر پاکستان تون ہڑتوم آ کنڈآتا تعلقداری تے ٹی ودکی نا غرض اٹ تینا حکومت نا کنڈآن پورو کمکاری نا یخین دہانی کرفے و پارے کہ ملائیشین سرکڑدہ کوالالمپور اٹی وزیراعظم عمران خان نا شدت اٹ چاروکی ءِ۔

متعلقہ مضامینمصنف کی طرف سے مزید