اسلام آباد۔15نومبر(اے پی پی) سینیٹءَ ڈاکٹر عافیہ صدیقی ءِ رہائی ءُ واتر کنگءِ تپاک نامہ منظور کتگ۔ پنچ شمبے ءِ روچءَ ایوان بالاءِ دیوانءَ سینیٹر طلحہ محمود ءَ اے ہوالگءَ تپاک نامہ پیش کتگ۔ تپاک نامہ ءَ گشگ بوتگ کہ ایوان بالا امریکہ ءَ بند عافیہ صدیقی ءِ بند بوہگءَ تکانسری ءِ درشانیءَ کنت۔ تپاک نامہ ءَ مزن گس ءُ مزن گسی کمیٹی آنی نیمگءَ چہ آئی ءِ یل کنگءِ سرءَ کتگیں کوشستاناں ساڑاتگ۔ ایوان حکومتءِ سرءَ زور پِر دنت کہ آ آئیءِ یل کنگءُ وطن واتر کنگءَ سرجمیں گامگیجاں بہ کنت۔ ایوانءَ تپاکی ءَ گوں تپاک نامہ منظور کتگ۔ تپاک نامہ ءِ سرءَ سینیٹر طلحہ محمود، سینیٹر مشتاق احمد خان ءُ دگہ باسکاں حیالءُ لیکہءِ درشانی کتگ۔
