وش ءُُ ایمنیں پاکستان مئے دُرستانی واھگ اِنت، بلوچستان ءِ تیاب دپ دُرستیں تیاب دپ ءَ چہ مستر اِنت، تیابی دمگ آں چہ 10 ارب کلدار ءِ فشریز برآمد بوت کنت، بلوچستان ءِ واستہ سرتی ءِ موسم ءَ گیس ءِ نیاد آنی تہ ءَ کمی کنگ ءِ واستہ گپ کناں
کوئٹہ ۔ 14 نومبر (اے پی پی)صدر مملکت ڈاکٹر عارف علوی ءَ گوشت کہ وش ءُُ ایمنیں پاکستان مئے دُرستانی واھگ اِنت، بلوچستان ءِ تیاب دپ دُرستیں تیاب دپ ءَ چہ مستر اِنت، تیابی دمگ آں چہ 10 ارب کلدار ءِ فشریز برآمد بوت کنت، بلوچستان ءِ واستہ سرتی ءِ موسم ءَ گیس ءِ نیاد آنی تہ ءَ کمی کنگ ءِ واستہ گپ کناں۔ آئی ءَ اے گپ چار شمبے ءِ روچ ءَ میڈیا ءَ گوں تران کنان ءَ کت اَنت۔ صدر ءِ مملکت ءَ گوشت کہ بلوچستان ءَ آپ ءِ مزنیں کمیگ ءِ است، اے جیڈھ ءِ رد ءَ کوئٹہ ءَ آیگ ءِ پلان ات، ڈپٹی سپیکر ءِ مات ءِ بیرانی ءِ پد ءَ دلپدردی ءُُ اے جیڈھ ءِ واستہ بُنجاھی وزیر آنی ھمبراھی ءَ کوئٹہ ءَ اتکگ آں۔ آئی ءَ گوشت کہ کوئٹہ ءَ سیوریج ءِ آپ ءَ را لائک ءِ کارمردی جوڑی کنگ ءِ منصوبگ بندات کنگ بوھگ ءَ انت۔ صدر ءَ گوشت کہ گورنر ءَ گوں بلوچستان ءَ گیش یونیورسٹی جوڑ کنگ ءِ گپ بوتگ۔ آئی ءَ گوشت کہ گوادر ءَ تاں کوئٹہ ءَ ریل ءِ پٹڈی جوڑ کنگ بہ بیت۔ صدر ءِ مملکت ءَ گوشت کہ اے دُرستیں جیڈھ آنی سر ءَ صوبائی کابینہ ءَ گوں تران بوتگ۔ صدر ءِ زمہ واری بُنجاھی جیڈھ آنی چار ءُُ تپاس اِنت۔
