اسلام آباد۔14نومبر(اے پی پی) منصوبہ بندی ءُ دیمروئی اصلاحاتءِ بنجاہی وزیر مخدوم خسرو بختیارءَ گشتگ کہ حکومت انسانی آسراتی ءِ دیمروئی ءُ سماجی پڑءِ گہتری ءُ روزگار پیداک کنگءِ اولی بنیاتاں دلگوشی دنتءُ چاگردءِ زھباریں تک ءَ را آسراتی دنت۔ اے حیالانی درشانی آئیءَ چارشمبےءِ روچءَ آئی ایف ایف ءِ ڈل ءَ گوں گپءُ تران کنانءَ کتگ، ڈل ءِ سروکی ہیرلڈ فنگر کنگ ءَ بوتگ۔ بنجاہی وزیرءَ مشنءَ را حال داتگ کہ معاشی جاورھال ءِ ردءَ سرکاری پڑءِ دیمروئی پروگرام آنی تہا کمی کنگ بوتگ۔سی پیکءِ ہوالگءَ آئیءَ گشتگ کہ منصوبہ نوں دومی بھرءَ ایں کہ صنعت کاری گیش کنگ، سماجی ءُ اقتصادی ازمت ءُ کشتءُ کشاری پڑءَ پیداوار گیش کنگءُ آپکشی ءِ نظام ءَ را گہتر کنگءِ سرءَ دلگوشی کنگ بیت۔ ڈلءَ اُمیتءِ درشانی کتگ کہ حکومتءِ نیمگءَ چہ بندات کتگیں گامگیجاں چہ ملک ءَ معاشی گہتری کیئت۔ ترءُ تابءَ اَتکگیں ڈلءَ سی پیک منصوبہ ءِ اولی بھر ءَ توانائی ءِ پیداوارءَ را گیش کنگءِ توسیپ کتگءُ گشتگ کہ ایشی ءَ چہ ملک ءَ مھکمیں اقتصادی دیمروئی ءَ کمک رسیت
