کوئٹہ۔ 14نومبر (اے پی پی) گورنر سندھ عمران اسماعیل پارینے کہ وزیراعظم عمران خان نا ٹیم اٹی شیخ رشید کون آ لائخ آتا و آزموندہ کار وزیر ساڑی ارے ہراک بنجائی حکومت نا 100 دے پورو مننگ آن مست ہی تینا ٹارگٹ آتے دوئی کرینو، زوت اسے اٹ ریلوے نا نسخان چٹک و اودے کٹیا کروک ادارہ اس جوڑ کننگک، پوسکن آ ٹرین تا بنا و ٹریک انا بحالی آن پد چین و ایلو ملک آتون معاہدہ غاتے ٹی پاکستان ریلوے ءِ سیبو ملک، داہیت ءِ او چارشنبے نادے بنجائی وزیر شیخ رشید و فیصل واوڈا تون اوار کوئٹہ ریلوے اسٹیشن نا دورہ نا وخت آ صحافی تتون ہیت وگپ کرسا پارے۔ گورنر سندھ عمران اسماعیل پارے کہ کنے فخر ءِ کہ بنجائی وزیر ریلوے شیخ رشید احمد دے و نن پاکستان ریلوے نا گچینی کن ٹیم ورک اتون پبی خواری کننگ ءِ، ریلوے ناریونیو ٹی اسہ ارب روپئی نا ودکی مسنے و وزیراعظم عمران خان نا ویژن نا رداٹ ریلوے ٹی 10 ہزار نوکری میرٹ آ تننگ انگ ءِ۔ انتئے کہ بنجائی وزیر ریلوے شیخ رشید احمد نا مننگ تون ریلوے ٹی پرچی سسٹم نا کس اس سجفنگ ہم کپک۔ اوپارے کہ اسہ سال اٹی ریلوے نا نسخان چٹک وخت اس کہ بھاز زوت پاکستان ریلوے ٹی پوسکن آ ٹرین تا ودکی مریک ہراڑآن شاری تے ریل کون آ ہڑزان سواری نا فراوانی دوبریک۔
