اسلام آباد۔ 14نومبر (اے پی پی) قومی احتساب بیورو (نیب) انا چیئرمین جسٹس (ر) جاوید اقبال سینیٹ قائمہ کمیٹی کانود و انصاف ءِ بیورو نا جم اٹنگا کارکڑد نا بارواٹ احوال ایتک۔ دیوان جمعہ نادے پارلیمنٹ ہاؤس اسلام آباد اٹی چیئرمین سینیٹر جاوید عباسی نا سرکڑدہ ہی ٹی مریک۔ سینیٹ سیکرٹریٹ نا جاری کروک نوٹس نا رداٹ قومی احتساب بیورو نا چیئرمین جسٹس (ر) جاوید اقبال کانود و انصاف نا سینیٹ کمیٹی ءِ پدسلوک مقدمہ و انکوائری و استغاثہ نا بارواٹ معلومدار کے۔ داکان بیدس نیب چیئرمین جسٹس (ر) جاوید اقبال کمیٹی ءِ دابارواٹی ہم پاہک کہ گدرینگوک آ مسہ سال اٹی بیورو اخس ریکوری کرینے۔ ایجنڈا نا رداٹ چیئرمین بیورو دابارواٹی ہم احوال ایتک کہ بندغ اسے نا پن ءِ ایگزٹ کنٹرول لسٹ(ای سی ایل) اٹی پن ءِ شاغنگ نا انت وڑوڈول ءِ، و گدرینگوک آ مسہ سال اٹی اخس بندغ نا پن ءِ ای سی ایل آ شاغنگا و اونا سوب آک انت ئسر۔

متعلقہ مضامینمصنف کی طرف سے مزید