گلگت بلتستان نا جوڑ کننگ و شونداری ءِ گچین جوڑ کننگ صوبائی حکومت نا اولیت آتے ٹی اوار ءِ، حافظ حفیظ الرحمان

گلگت۔ 14نومبر (اے پی پی) وزیراعلیٰ گلگت بلتستان حافظ حفیظ الرحمان پارینے کہ گلگت بلتستان نا جوڑ کننگ و شونداری و الس نا زند انا آب ءِ گچین جوڑ کننگ صوبائی حکومت نا اولیت آتے ٹی اوار ءِ، صوبہ ٹی پوسکن آ انفراسٹرکچر نا جوڑ کننگ کن غٹ دوئی وسیلہ غاتے کاریم اٹ اتنگ انگ ءِ۔ اوتینا اسہ بیان اسے ٹی پارے کہ ننے گلگت بلتستان نا جوڑ کننگ و شونداری کن تینا فائدہ غاتیان ایڑ تر مرسا کاریم کروئی مریک و ہر اسٹ ءِ تینا زمواری تے ادا کروئی مریک، ایل پی جی ایئر مکس ڈٹ انا مشینری ءِ ہلنگ ءِ عمل اٹ اتنگانے ، دا ڈٹ جنگل آتا کاٹ کننگ نا توننگ اٹ کمکار جوڑ مریک۔ وزیراعلیٰ گلگت بلتستان حافظ حفیظ الرحمان پارے کہ اینٹی کرپشن و بورڈ آف ریونیو ءِ زوت کاریمی ءُ ادارہ اس جوڑ کننگک۔ تجاوزات و غیر کانودی تعمیرات آتا چٹفنگ کن اینٹی انکرو چمنٹ سیل انا ٹہیفنگانے ہرادے پین سوگو جوڑ کننگک۔