اسلام آباد۔14نومبر(اے پی پی ) راجی احتساب بیورو (نیب) ءِ چیئرمین جسٹس (ر) جاوید اقبال سینیٹ ءِ کانودءُ انصافءِ کمیٹی ءَ را بیورو ءِ سرجمیں کارءُ کردءِ ہوالگءَ شونشت دنت۔ دیوان جمعہ ءِ روچءَ مزن گس اسلام آباد ءَ چیئرمین سینیٹر جاوید عباسی ءِ سروکیءَ بیت۔ سینیٹ سیکرٹریٹ ءِ جاری کتگیں نوٹس ءِ ردءَ راجی احتساب بیورو ءِ چیئرمین جسٹس (ر) جاوید اقبال کانودءُ انصاف ءِ سینیٹ کمیٹی ءَ بازیں مقدماتءُ انکوائری ءُ استغاثہ ءِ ہوالگءَ سرپد کنت۔ ایشیءَ ابید نیب چیئرمین جسٹس (ر) جاوید اقبال کمیٹی ءَ را اے ہوالگءَ ہم سرپد کنت کہ گوستگیں سالاں بیورو ءَ چنچو ریکوریز کتگ۔ ایجنڈا ءِ ردءَ بیورو ءِ چیئرمین اے ہوالگءَ ہم شونشت دیاں کہ کسے ءِ نا مءَ ایگزٹ کنٹرول لڑ(ای سی ایل) ءَ نام ہوار کنگءِ وڑءُ پیم چے ایں ءُ گوستگیں سے سالاں چنچو مردمانی نام ای سی ایل ءَ ہوار کنگ بوتگ اَنتءُ ایشی ءِ سوب چے چے بوتگ اَنت۔
