بیجنگ/اسلام آباد۔14نومبر(اے پی پی) پاکستان ءُ چین ءِ نیامءَ بس سروس ءَ وتی سفر سرجم کتگ، اے بس سروس دوئیں ملکانی نیامءَ نزیکی ءَ گیش کنگءَ بندات کنگ بوتگ۔ بس سروس ءَ اولی سفر لاہورءَ چہ بندات کتگ ءُ آئی ءِ منزل چین ءِ صوبہ سنکیانگ ءِ شہرکا شغر بوتگ۔ بس سروس پاکستان ٹو ررازم ڈویلپمنٹ کارپوریشن ءَ نجی ٹرانسپورٹ شجاع ایکسپریس ءِ کمک ءَ چہ بندات کتگ۔ بس سروس ہفتگے چار روچاں شمبے تاں پنچ شمبے ءَ بیت۔ شجاع ایکسپریس ءِ چیف ایگزیکٹو آفیسر محمد عامر ءَ گشتگ کہ لاہور ءَ چہ کاشغر ءِ سفر 36کلاکاں سرجم بیت۔ چینءِ سیمسرءَ ایشی ءِ پنچ سٹاپ اَنت۔ بسءَ چہ سفر کنوکانی گورءَ ویزہ ءُ راجی پجار کارڑ بوہگ المی اِنت۔ لاہور تاں کاشغر ءِ کرایہ پاکستانی زر 13ہزار کلدار ایں وہدے کہ راؤنڈ ٹرپ ءِ شرح 23ہزار کلدار ایر کنگ بوتگ۔ پاکستان ٹوررازم ءِ اہلکار مختار علی ءَ حال درءَ گوں گشتگ کہ اے بس سروس ءِ وسیلگءَ چہ چینی سیل ءُ سواد کنوک پاکستانءَ بدھ مت ءِ راج دپتری ہندءُ جا ہ آں ارزانی ءَ اَتک کناں۔
