اسلام آباد۔ 13نومبر (اے پی پی) بنجائی وزیر اطلاعات و نشریات چوہدری فواد حسین پارینے کہ وزیراعظم عمران خان اسٹ انگا راہشون ءِ ہرا عافیہ صدیقی نا حق اٹی پدریسہ توار بڑز کرے، ڈاکٹر عافیہ صدیقی ءِ انصاف ترفنگ ہر پاکستانی نا است انا توار ءِ ۔ او سے شنبے نادے عافیہ صدیقی نا ایڑھ فوزیہ صدیقی تون اوڑدہی ٹی ہیت وگپ کریکہ۔ بنجائی وزیر اطلاعات و نشریات چوہدری فواد حسین پارے کہ پیشن نا ملک بند ہر پاکستانی نا انصاف اسکان رسینگ و فراوانی ننکن بے کچ اہم ءِ۔ اوپارے کہ ہر شاری نا حق انا رکھ ءِ تینا آئینی زمواری سرپند کیک۔ ڈاکٹر فوزیہ صدیقی وزیراعظم عمران خان و اونا حکومت نا عافیہ صدیقی نا معاملہ ءِ تالان و ایسر کننگ نا کوشست آتیا منت واری ءِ ہرفے۔
