اسلام آباد ۔ 13 نومبر (اے پی پی) بُنجاھی وزیر ریل گاڑی شیخ رشید احمد ءَ گوں ایرانی سفیر مہدی ہنر دوست ءَ وزارت ء، ریل گاڑی ءَ ارزشتی ایں گند ءُُ نند کت۔ ایرانی سفیر ءَ کوئٹہ۔ تفتان سیکشن ءِ ارزشت ءِ سر ءَ زور دات۔ وزیر ءِ ریل گاڑی ءَ تچک کت کہ کوئٹہ تفتان دوئیں ملک آناں ریل گاڑی ءِ سر ءَ نزیک کنگ سک باز ارزشتی اِنت، اے سیکشن ءَ را اپ گریڈیشن کنگ ءِ سک ضلورت اِنت۔ دوئیں بامرد آں ریل گاڑی ءِ پڑ ءَ کمک کنگ ءِ سرءَ یک ءُُ دگر ءَ دل یکیمی کت۔ گند ءُُ نند ءَ ریل گاڑی ءِ جیڈھ آنی گیواری ءِ واستہ دوئیں ملک آنی نیام ءَ یک ٹیکنیکل کمیٹی ءِ جوڑ کنگ ءِ سر ءَ دل یکیمی ءِ درشان کت۔ گند ءُُ نند ءِ ساھت ءَ سیکرٹری ریلوے بورڈ فرخ تیمور، ڈی جی پلاننگ محمد یوسف ءُُ ڈی جی ٹیکنیکل منور شاہ ھم ساڑی ات۔
