اسلام آباد۔ 13نومبر (اے پی پی) وزیراعظم عمران خان پارینے کہ پاکستان تحریک انصاف مشکل حالیت آتے ٹی حکومت ءِ سنبھالا نے، بروک آ منہ تُو اٹی ساف ءُ بدلی اس نظر بریک، اوداہیت ءِ سے شنبے نادے کراچی آن تعلق تخوک آ قومی اسمبلی نا باسک آتون ہیت وگپ کرسا پارے۔ وزیراعظم قومی اسمبلی نا باسک آتیا زور شاغا کہ او الس نا ویل آتے تالان کننگ و اوفتا ایسری ٹی تینا کڑد ءِ ادا کیر۔ خلقت نا ڈکھ و دڑد اٹ شریک مریر، قومی اسمبلی نا باسک آک وزیراعظم ءِ کراچی نا شاری تے دیر ، نکاسی آب اتون اوار مون تروک جتا ویل آتا بارواٹ معلومدار کریر۔ داوخت آ گورنر سندھ عمران اسماعیل وزیراعظم نا کنڈآن پڑو کروک کراچی پیکج آ پیش رفت نا بارواٹ پارے۔ وزیربحری امور علی زیدی دیر و ٹرانسپورٹ نا ویل آتا ایسری و کراچی نا شاری تے کن روزگار نا وارخواہی ودی کننگ نا بارواٹ معلومدار کرے۔ داکان پد وزیراعظم عمران خان پارلیمنٹ نا باسک آتون اوار دیوالی نا کیک اس ہم کاٹ کرے۔
