اسلام آباد۔ 13نومبر (اے پی پی) چین پاکستان اقتصادی راہداری ڈٹ آتیا 10 ہزار چینی و 75ہزار پاکستانی کاریم کننگ ءُ، سی پیک ڈٹ آتا سیکورٹی کن پاکستانی آرمی نا 9,229 ورنا و سول آرمڈ فورس آتا پین 4,500 کارندہ تعینات کننگانے۔ سی پیک سیکرٹریٹ نا کمامدارآتارداٹ ساڑی آ حکومت سی پیک نا بھرم آتے بنداوی کہول اسکان سرکننگ کن کوشست کننگ اٹی ءِ، ہرا چین وپاکستان نا نیام اٹ اسہ بے مٹ ءُ ڈٹ اسے۔ پاکستان اٹی پبی وڑاٹ زرکاری ءِ مون آ دننگ انگ ءِ۔ چین پاکستان اقتصادی راہداری ڈٹ آن پاکستان اٹی روزگار نا وارخواہی ٹی ودکی مسنے، چین پاکستان اقتصادی راہداری چین نا اسہ پٹی اسہ شاہراہ گام گیج نا 6راہداری تیان اسہ اہم ءُ اقتصادی ءُ راہداری اسے۔ سی پیک ڈٹ انا رداٹ چین پاکستان اٹی 56ارب ڈالر آن زیات نا زرکاری کننگ ءِ۔ ہندا ڈٹ آتے ٹی گیشتر پوروی نا مرحلہ غاتا کنڈآ ترندی اٹ روان ءُ۔
