جعلی فون کال آتیا تینا بینک اکاؤنٹ، شناختی کارڈ و پین معلومداری تے تفبو، بینک و ریاستی ادارہ غاتا بینک آتا کھاتہ دار آتے پارت

اسلام آباد۔ 13نومبر (اے پی پی) بینک و ریاستی ادارہ غاک بینک آتا کھاتہ دار آتے اسہ وار ولدا خبڑ دار کرینے کہ او جعلی فون کال آتیا تینا بینک اکاؤنٹ ، شناختی کارڈ و ایلو معلومداری تے ہچ ءُ دروشم اسے اٹ تفس۔ دابارواٹی الس ءِ آگاہی داخاطران تننگ انگ ءِ کہ بینک و ایلو ادارہ غاتا جاگہ غا جعلی کال آتا کمک اٹ الس آن جتا چمبازی تے اٹ اوفتا بینک اکاؤنٹ ، شناختی کارڈ نمبر و خاہوت نا بندغ آتا بارواٹ معلومداری دوئی کننگک و اوفتے بینک آتیان اوفتا جعلی وڑاٹ پیسہ کشفنگ کن کاریم اٹ اتنگک۔ گیشتر داہیت ءِ نوٹ کننگانے کہ لس شاری تیان ادارہ و بینک آتا پن ءِ کاریم اٹ اتسا اوفتیان دا معلومداری تے دوئی کننگک۔ بینک و ادارہ غاتا کنڈآن الس ءِ خبڑ دار کننگانے کہ او ہچ ءُ حال اسے ٹی دانوسر باز آتے تینا بینک اکاؤنٹ و شناختی کارڈ نمبر آتے تفس تانکہ او واردات آتا گواچی مننگ آن بچنگ کیر۔