اسلام آباد۔ 13نومبر (اے پی پی) انسداد منشیات فورس (اے این ایف) منشیات فروش آتا 4سال اٹی 589 گاڈی ضبط کرے ہرافتے نیلام کرسا 12 کروڑ 11لکھ روپئی قومی خزانہ ٹی جمع کرفے۔ وزارت داخلہ نا دستاویز آتا رداٹ گدرینگوک آ چار سال 2014-18 ء ٹی انسداد منشیات فورس بھلو کچ اسے آ کارروائی ٹی گاڈی تے ہلسا ضبط کریسس۔ اوکان پد دا ضبط کروک آگاڈی تا نیلامی ءِ کرسا دوئی مروک آ پیسہ غاتے کانودی گرج آتے پورو کرسا قومی خزانہ ٹی جمع کرفنگا۔
