اسلام آباد۔ 12نومبر (اے پی پی) وزیر مملکت داخلہ شہریار خان آفریدی پارینے کہ وزیراعظم عمران خان پولیس اکن زوت خصوصی پیکج اسے نا پڑو ءِ کیک، پویس نا مراعات ، آسراتی و شرف اٹی ودکی کننگک، کے پی کے طرز انا اصلاحات اسلام آباد پولیس اٹی ہم کننگک، پولیس ایکٹ آ کاریم نا بناءِ کرینے، اسلام آباد پولیس ءِ مثالی ءُ پولیس اس جوڑ کننگک، شہید آتا خاہوت آتے سلام پیش کینہ۔ دوشنبے نادے پولیس نا شہید آتا خاہوت آتے چیک تننگ نا دود آن تران کرسا اوپارے کہ شہید آتے اخس کہ خراج عقیدت پیش کننگے کم ءِ ۔ اللہ تعالیٰ غان دعا ءِ کہ شہید آتا درجہ غاتے بڑز کے۔ اوفتا وارث و خاہوت آتا ڈکھ و تکلیف و کرب انا احساس ارے۔ پاکستانی لمہ غاتا جوزہ قدر انا قابل ءِ، بلوچستان اٹی اسہ لمہ سے نا اسہ مار اس شہید مس تو او ایلوفتے فورس اٹی گدریفے، او شہید مسر تو مسٹ میکو ءِ گدریفے و پارے کہ کنا دہ مار مروسر ہم تو وطن کن حاضر کریٹہ تا۔ مچ آقوم انا کنڈآن دُن انگا لمہ و ایڑھ تے سلام پیش کیوہ۔ وزیر مملکت داخلہ تینا ایلم نا شہیدی نا ذکر ءِ کرسا پارے کہ او شہید آتا خاہوت نا ڈکھ و دڑد ءِ پہہ مریک و محسوس کننگ کیک۔
