لاہور۔ 12نومبر (اے پی پی) قومی احتساب بیورو نا چیئرمین جسٹس (ر) جاوید اقبال نیب لاہور نا دورہ ءِ کرے ہراڑے چیئرمین نیب میگا کرپشن مقدمہ و نیب لاہور نا جم اٹنگا کارکڑد نا جاچ ءِ ہلک۔ داوخت آ او پارے کہ نیب ’’احتساب غٹ اکن‘‘ نا پالیسی آ سختی اٹ عمل کننگ ءِ، میگا کرپشن نا مقدمہ غاتے کانود نا رداٹ ایسری انجام اسکان سرکننگ نیب انا اولیت ءِ۔ چیئرمین نیب پارے کہ نیب آفیسر آک غاو تا جانچ پڑتال، انکوائری و انویسٹی گیشن آتے ٹھوس شاہدی و کانود نا رداٹ ایسری انجام اسکان 10 تُو انا نیام اٹی پورو کیر تانکہ وڈی خور عنصر آتے اوفتے اوفتا کروک نا سزا تننگ مرے، چیئرمین نیب ایڈن ہاؤسنگ لاہور نا زہمی تیان تران کرسا پارے کہ نیب کانود نا رداٹ اوفتا ویل آتا جاچ ءِ ہلیک و اوفتا پلوک آ پیسہ غاتا پدی تننگ کن ہروڑ گام گیج چست کیک، ایڈن ہاؤسنگ سوسائٹی لاہور نا زہمیک قومی احتساب بیورو نا چیئرمین جسٹس (ر) جاوید اقبال نا اوفتا ویل آتا جاچ ءِ ہلنگ و اوفتا پلوک آ پیسہ غاتا پدی ہلنگ کن ہر وڑ گام گیج چست کننگ آ اونا منت واری ءِ ہرفیر، داوخت آ ڈی جی نیب لاہور شہزاد سلیم ہم ساڑی ئس۔
