گوادربندرگاہ ءَ را دیمروئی دیگ ءِ نتیجگ ءَ ادا بزنس ءُُ سرمایہ کاری ءِ واستہ آیوکیں مردم آنی کساس ءِ تہ ءَ گیشی بوھگ ءَ اِنت
چیئرمین گوادر پورٹ اتھارٹی دوستین جمالدینی ءِ چین ءِ ھالتاک ’’چائنہ ڈیلی‘‘ ءَ گوں تران
اسلام آباد ۔ 12 نومبر (اے پی پی) گوادر پورٹ اتھارٹی ءِ چیئرمین دوستین جمالدینی ءَ گوشت کہ دکہ ءِ دیمروئی ءِ نتیجگ ءَ ادا بزنس ءُُ سرمایہ کاری ءِ واستہ آیوکیں مردم آنی تہ ءَ گیشی بوھگ ءَ اِنت۔ اے گپ آئی ءَ چین ءِ ھالتاک ’’چائنہ ڈیلی‘‘ ءَ گوں تران کنان ءَ کت۔ آئی ءَ گوشت کہ گوادر ءَ سرمایہ کاری ءَ گوں واھگ داروکیں مردم آنی تہ ءَ یک شل ءَ گیشی بوھگ ءَ اِنت، دکہ ءِ دیمروئی ءَ چین ءَ مئے کمک کتگ ایشی ءِ سبب ءَ ھندی مردم آنی کاروبار ھم دیمروئی کنگ ءَ اِنت۔ آئی ءَ گوشت کہ گوادر پورٹ ءِ دیمروئی دیگ ءِ کار ءِ تہ ءَ آیوکیں باندات ءِ ضلورت آناں کد ءُُ کساس کنگ بوتگ ایشی ءِ سبب ءَ روزگار ءُُ کاروبار ءِ نوکیں موہ دیم ءَ کئیت اِنت۔ آئی ءِ گوشگ اِنت کہ دکہ ءِ جوڑیشتی کار ءَ ترندی ءِ سبب ءَ پاکستان ءِ اے دکہ ءِ سرءَ دلگوشی گیش بوھگ ءَ اِنت، اے دکہ پڑ ءَ تجارتی چست ءُُ ایرانی تہ ءَ گیشی کنگ ءَ کلیتی کرد ءَ پیلو کنگ ءَ اِنت۔
