لاہور۔11 نومبر(اے پی پی )بُنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ 11ءُُ 12ربیع الاؤل ءَ بُنجاھی دارلحکومت ءَ سیرت النبی کانفرنس برجم دارگ بوھگ ءَ انت ایشی ءِ تہ ءَ مام ءِ کعبہ، متحدہ عرب امارات ءِ مفتی اعظم ۔ میر واعظ عمرا فاروق، جامعتہ الازہر ءِ مفتی ءُُ امریکہ ءُُ برطانیہ ءَ ھوار سرجمیں دُگنیا ءَ چہ عالم ءُُ مفتی بھر زوری کنان ءَ وتی وتی واز ءُُ گشتانک ءَ دینت، کانفرنس ءِ بنگیج ءَ مزن وزیر عمران خان کنت، کانفرنس ءِ گڈی مراگش ءِ مہمان ءِ ھاس صدر ءِ مملکت بیت، بد بھتی ءَ ملک ءِ زوراکیں تبک ءِ مردم کیاسگری ءِ پنجگ ءَ آیگ نہ لوٹ اہت۔ اے رنگ ءَ ریاست ءِ لیکہ مٹ بوتگ ءُُ کانود ءِ سروکی ءَ ھوار پگری سسا ءَ پاکستان ءِ دژمنی آنی ھلاپ ءَ اوشتگ ءِ پیسلہ کتگ، عمران خان ءِ سیاس ملک ءُُ راج ءِ واستہ انت چیا کہ اپوزیشن ءِ سیاست وتی لوگ ءِ مردم آنی واستہ اِنت، پی آے سی ءِ چیئرمین شپ شہباز شریف ءَ را چوں دیگ بہ بیت، آئی ءِ ھلاپ ءَ نیب ءِ کاروائی چلگ ءَ انت، مزن وزیر عمران خانءِ حکومت ءَ را 29 نومبر ءَ 100 روچ سرجم بیت، اے روچ ءَ کرد ی جار جنگ بیت۔ آ یک شمبے ءِ روچ ءَ جندی ہوٹل ءَ میڈیا ءَ گوں تران کنگ ءَ ات۔ اے موہ ءِ سر ءَ پاکستان تحریک ءِ انصاف ءِ ایندگر سروک ساڑی اتنت، بُنجاھی زیر اھوالکاری ءُُ شنگ کاری چوہدری فواد حسین ءَ گوشت کہ پاکتان ءَ اِچ حکومت یا انتظامی تک ءَ اِچ کمک نیست بلکینگ ءَ پگری کمیگ اِنت وھدیکہ یک تبک ءِ مردم ءِ نیک راھی ءِ پوشاک ءِ تہءَ سیاست کنان ءَ وتی مرزی ءِ نتیجگ ءُُ سیاسی سیت در جنگ لوٹ اَنت، ریاست ءِ کار لیکہ ءَ را جنزینگ انت ءُُ اے کار ءَ ایوک ءَ لیڈرشپ کت کنت، ایشی ءِ تران ءَ مُدام عمران خان کنت انت، آ مدینہ ءِ ریاست ءِ لیکہ اِنت ایشی ءِ تہ ءَ گور آنی ھک آناں ھم سرجمیں پاسبانی رسیت وھدیکہ عمران خان یک دیمروئی بوھوکیں وشھالیں ءُُ پروگیسو پاکستان ءِ لوٹ ایت، ھمے سبب اِنت کہ آئی ءَ بے لوگ آناں لوگ ءِ دیگ ، ءُُ تونیگ آناں آپ، ءُُ شُدیگ آناں نگن، مُزور آنی واستہ پگر ءِ کت ءُُ لاہور ءَ شیلٹر ہوم ءِ وڑیں پروجیکٹ ءِ سر ءَ زوت کار ءِ بندات کت، ھمے گہبودی ریاست ءِ نیمگ ءَ یک گام اِت۔
