لاہور۔11 نومبر(اے پی پی )بُنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ لیکہ آنی جنگ توپک ءِ سر ءَ ناں دلیل ءِ سر ءَ مڈگ بیت، ٹوک دیوک ءُُ ناشرکاری ءَ را دمینوک آنی کراّ دلیل نیست، پاکستان ءَ سیاسی ناں بلیکنگ ءَ پگری نیستی اَست، زانت، سرپدی، ایمنی ءُُ دیمروئی کنوکیں چاگرد دیم ءَ جنزت کنت، نیک راھی سروک ملک ءَ گواچنی گہبودی ریاست جوڑ کنگ ءِ واستہ مئے گوما ھم کوپگ بہ بیت ءُُ ملک ءَ بہ چلائنت، مئے ایمان اِنت کہ ھر کس ءَ کہ گوں محمد مصطفی ءَ عشق نہ اِنت آ مومن ءِ نہ اِت، عمران خان راستیں رسول ءِ عاشق اِت، آئی ءَ مدینہ ءِ مبارکیں سر ڈگار ءَ چپل پاد ءَ نہ کتگ ءُُ نہ شتگ، مزن وزیر ءَ مدرسہ ءَ وانوکیں زھگ آنی واستہ ھم آواز بلند کتگ، پاکستان ءَ سرکاری پڑ ءَ اولی رند ءَ ربیع الاول ءِ ماھ برجم دارگ بوھگ ءَ اِنت۔ آ یک شمبے ءِ روچ ءَ پاکستان جرنلسٹ فاؤنڈیشن ءِ چیر دستی ءَ برجم داشتگیں ھندی ہوٹل ءَ ’’سگ ءُُ اوپار ءِ گڈی سرئک ءُُ ریاست ءِ زمہ واری‘‘ ءِ بن گپ ءِ سر ءَ یک سیمینارے ءَ گوں گشتانک دیان ءَ کت انت، بُنجاھی وزیر ءَ گوشت کہ لستیں مردم آں دلیل ءِ مٹ ءَ توپک ءِ زور ءَ وتی رایہ آناں سر ءَ سر بار کنگ ءِ کمنٹمنٹ کتگ، آ گوشنت کہ پاکستان ءَ بند کن آں چیا کہ آ نیک راھی ءِ نام ءَ سیاسی کنگ ءَ آں۔ آئی ءَ گوشت کہ سوویت یونین ءِ اوگانستان ءِ کبزہ بہ بیت یا نائن الیون ءِ واکیہ ، ایشی ءَ سیادی پاکستان ءَ گوں ملارینگ ءِ کوشست کنگ بوھگ ءَ انت وھدیکہ امریکہ ءَ پاکستان ءَ گوں جست ءَ پد اوگانستان ءِ سر ءَ ارش نہ کتگ بلے ایشی ءِ آسر مارا برداشت کنگ کپ انت، گیر روایتی جنگ ءَ مئے پگری سسا ببر بوتگ ایشی ءِ سبب ءَ نیک راھی تبک ءِ مردم آنی کمک ءِ گوما دلیل ءِ وسیلگ ءَ گیواری ءِ ضلورت انت۔
