مزن وزیر عمران خان ءِ لاہور ءِ تہ گریب ءُُ بے سہارا مردمانی ھاترا ’’پناہ گاہ‘‘ءِ ہڈ دیگ ءِ منصوبگ ءِ سنگ بنیات ایت کنگ ءِ مراگش چہ تران

اسلام آباد ۔ 10 نومبر (اے پی پی)مزن وزیر عمران خان ءَ گوشت کہ علامہ محمد اقبال ءُُ قائد اعظم محمد علی جناح ءِ ھیالانی ردا پاکستان ءَ را فلاحی ریاست جوڈ کنگ ءِ ھاترا پُرجزم انت، انشاء اللہ پاکستان اسلامی دگنیا ءِ تہ فلاحی ریاست ءِ مثال جوڈ بیت،شیلٹر ہوم ءِ ہڈ دیگ ءِ منصوبگ ووٹ بنک ءِ ھاترا نیست ات بلکہ احساس ءُُ رحمدلی ءِ جوزگ ءِ ردا بناء کتگ انت۔کجام ھم چاگرد دانکہ مہذب بوت نہ کنت وھدیگہ آں وتی گریب ،لاچار ءُُ بے سہارا مردمانی ھاترا رحمدلی ءُُ ہمدردی ءِ جوزگ مہ بنت۔مروچی اے منصوبگ ءِ سنگ بنیات فلاحی ریاست ءِ نیمگا چہ اولی گام انت۔کانود ءِ حاکمی ءَ را سدکی جوڈ کنگ حکومت ءِ ذمہ واری انت،اگہ سپریم کورٹ ءِ پیسلہ آنی سرا وڈ ءُُ پیم مہ بیت تو حکومت ءُُ ریاست چوشہ چلیت۔، حکومت سپریم کورٹ ءَ گوں ھواری اوشتاتگ انت،اے ھیالانی درشان آہاں ھپتگ ءَ ادا صوبائی بن شہر ءِ تہ گریب ءُُ بے سہارا مردمانی ھاترا پناہ جاء ءِ ہڈ دیگ ءِ منصوبگ ءِ بن ھشت ایر کنگ ءِ مراگش ءَ گوں تران کنان ءَ گوشت اتنت۔ایشی ءَ چہ پیسر ءَ مزن وزیر عمران خان ءَ منصوبگ ءِ سنگ بنیات ایر کتگ ایشی ءِ پدا ملکی دیمروئی ءُُ وشھالی ءِ ھاترا دعا کنگ بوتگ۔پدا لاہور ڈویلپمنٹ اتھارٹی ءِ نیمگا چہ مزن وزیر ءَ را منصوبگ ءِ باروا سرپدی دیگ بوتگ