لاہور۔10 نومبر(اے پی پی )مزن وزیر عمران خان 15نومبر ءَ حیدرآباد ایکسپریس ٹرین ءِ بنداتی کن انت۔سندھ ایکسپریس ءُُ رحمان بابا ایکسپریسءِ رمس ءِ جار پدا کنگ بیت۔ چین ءِ تروتاب ءِ تہ مزنیں زبردست رسپانس ملگ انت۔ ایم ایل ونءِ ھاترا مروچی ہمہ فیصلہ بوتگ ایشی ءَ را چین ءَ را اولی دیگ بیت۔اے تروتاب ءِ تہ آہاں مارءَ اے گوشت کہ ایم ایل ٹو ءُُ تھری ءِ پرائمری فزیبلیٹی رپورٹ شما را گفٹ کنیں۔ چائنہ ریلوے ءِ ڈپٹی منسٹرپاکستانءَ آھگ انت گوں آہی ءِ گیش گپ ءُُ تران دیما روانت۔ 10ہزار آسامی چھاپ کنگ بوتگ ات آسامیانی ابید باقی 8600حالی اسامیانی ھم منظوری گرگ بوتگ۔پی ایم پیکج ءِ دراھیں ملازمان پکہ کنگ ءِ ھاترا مزن وزیر پاکستان ءَ دزبندی کنیں۔اے ھیالانی درشان بنجاہی وزیر ریلویز شیخ رشید احمد ءَ ریلوے ہیڈ کوارٹرز آفس لاہور ءِ تہ پریس کانفرنس ءَ گوں تران کنان ءَ کتگ ات۔ریلوے وزیر ءَ گوشت کہ مئے بنیاتی کار ٹریک ءَ را گہتر کنگی انت ءُُ پسنجر ءُُ فریٹ سیکٹر ءَ را آسراتی پھجارگی انت۔دھابیجی ایکسپریس جیڈھانی آماچ انت ایشی ءِ وھد ءِ بدلی ءَ ھاترا دی ایس ریلوے کراچی ءَ را کڈنی داتگ ات کہ پورھاگرانی ءِ ٹائم ءِ ردا ٹرین ءِ وھد ایر کنگ بیت۔ وزیر ریلوےءَ گوشت کہ ریٹائرڈ بوھگ ءِ پدا دوبر کنٹریکٹ ءَ بھرتی بیوکیں افسران ءُُ ملازمان یک سال ءِ تہ کشگ بیت تنکہ ورناہیں پدریچ ءَ را کار کنگ ءِ موہ رسیت۔ ریلوے والٹن اکیڈیمی ءَ رایونیورسٹی ءِ تہ بدل کنگ ءِ پیسلہ کنگ بوتگءُُ ریلوے ءِ تہ ویجیلنس سیل ءَ را ھلاس کنگ بوھگ انت۔آہاں گوشت کہ دراھیں پروجیکٹس ڈائریکٹرز وتی پروجیکٹس ءِ نگرانی ءِ ھاترا ہمگرنچیں فیلڈ ءَ ساڑی بنت ۔ مارشلنگ یارڈ پیپری چینءُُ سرجمیں دگنیا ءَ باز نامدارانت۔100دن ءِ ایجنڈہ ءِ تہ سکول ءُُ نادراھجاء پرائیویٹ سیکٹر ءَ دیگ بوھگ انت ایشی ءِ ٹینڈر اے ماہ ءَ جاڑی بیت ءُ دراھیں اسکول ءُُ نادراھ جاء پرائیویٹ پارٹنر شپ ءِ ردا ھلائنگ بنت۔ہمک اسٹیشن ماسٹر ہمک ماہ ءَ وتی پراگرس رپورٹ دات لاہوریانی ھاترا وشیں ھبر انت کہ لاہور فیصل آباد ءَ ھلوکیں نان اسٹاپ ٹرین ءَ را ملتان ءَ تاں ھلائینگ بوھگ انت ایشی ءِ شیڈول زوت جاڑی کنگ بیت۔
