اسلام آباد ۔10 نومبر(اے پی پی) سپیکر راجی اسمبلی اسد قیصر ءَ گوشت کہ مئے سلاھ بندیں اُردو پیشہ ورانہ بود ءِ آسرادگنیا ءِ تہ جتاھیں مقام ایر کنگ انت ءُُ ناشرکاری ءِ جنئگ ءِ ھوار ناگہانی آفت آنی تہ پاک فوج ءِ کرد ستا ءِ لائق انت۔اے ھیالانی درشان آہاں کمانڈنٹ پاکستان نیول وار کالج ایڈمرل نوید احمد رضویءِ گوما گند ءُُ نند ءِ ساعت ءَ گپ ءُُ تران کنان ءَ گوشتگ ات۔گند ءُُ نند ءِ تہ پاک بحریہ ءِ ھوار ملکی سلامتی ءِ کارانی سرا سرجمیں چار ءُُ تپاس کنگ بوتگ۔ سپیکر ءَ گوشت کہ پاکستان ءَ را وتی سلاھ بندیں اُردو ءِ سرا پِکر انت،مئے بحری فوج دژمن ءِ ہر چال ءَ چہ سرپد انت۔آہاں گوشت کہ دگنیا مئے سلاھ بندیں اردو ءِ بود ءَ را ساڑانگ انت۔کمانڈنٹ پاک۔نیول وار کالج رئیرایڈمرل نوید رضوی ءَ سپیکر قومی اسمبلی ءِ نیمگا چہ پاک ۔نیوی ءِ ستا کنان ءَ گوشت کہ پاک بحریہ ملکی دفاع ءِ سرجم بود ایر کنگ انت۔آہان گوشت کہ پاک بحریہ ملکی دفاع ءِ ھوار دگہ ملکی تعمیر ءُُ دیمروئی ءِ منصوبگاں وتی کرد ادا کنگ انت۔آہاں گیش گوشت کہ پاکستان نیوی استیں سال ءَ میری ٹائم سرپدی ءِ سال ءَ وڈءَ گوازینگ انت۔آہاں گوشت کہ نیوی وار کالج کورس ءِ تہ مہ پارلیمنٹرینز ءِ شریداری ءَ سدکی جوڈ کنگ ءِ لوٹ گ انت۔اے ھاترا مارءَ شمے کمک درکار انت۔
