گورنر پنجاب چوہدری محمد سرور نا علامہ اقبال ؒ نا مزار آ حاضری، پھل آتا چادر اس شاغا و دعاپاتیا کرے
لاہور۔ 09 نومبر (اے پی پی) گورنر پنجاب چوہدری محمد سرور جمعہ نادے حکیم الامت علامہ اقبال ؒ نا مزار آ حاضری تس و پھل آتا چادر اس شاغا ، اوفاتحہ خوانی کرے و ملک انا سالمیت ، سوگوی، شونداری و شونہالی کن خصوصی دعا کرے، داوخت آ گورنر پنجاب مہمان تا کتاب اٹی تینا تاثر آتے ہم نوشتہ کرے، گورنر پنجاب پارے کہ بابائے قوم قائد اعظم محمد علی جناحؒ نا مطمع نظر و شاعر مشرق حضرت علامہ اقبال ؒ نا نقطہ نظر وزیراعظم عمران خان نا وژن نا بنداو ءِ، اوپارے کہ نن اقوا م عالم اٹی تینا انفرادیت و شاندار مستین نا روایت آتے زندہ تخنگ کینہ، اگہ نن حضرت علامہ اقبال ؒ نا کلام ءِ عملی زند اٹی اتین، اوپارے کہ ننے فخر و بایدے ناز مرے کہ ننا قومی شاعر حضرت علامہ اقبال ؒ نا علمی و فکری وجاہت آجہانی کہول آ ستاءِ کننگک، گورنر پارے کہ گرج دا ہیت انا ءِ کہ علامہ اقبال ؒ نا فکر و کلام نا پیروی ءِ کرسا نن اسہ پلیٹ فارم اسے آ جمع مرین و ملک انا سوگوی و معیشت نا سوگوی کن تینا کڑد ءِ ادا کین۔
