اسلام آباد۔ 09 نومبر (اے پی پی) پارلیمانی کمیٹی لس گچین کاری 2018 ء نا چیئرمین ووزیر دفاع پرویز خٹک پارینے کہ ٹی او آرز پک مننگ آن پد کمیٹی نا کارروائی ءِ مون آ دننگک، نن ایمانداری اٹ کاریم کینہ، وزیراعظم پارے کہ کہ نن کس اسے تون بیدادی کپنہ۔ جمعہ نادے پارلیمانی کمیٹی لس گچین کاری 2018 ء نا دیوان آن پد میڈیا تون ہیت وگپ کرسا اوپارے کہ ذیلی کمیٹی اِرا ہفتہ ٹی پارلیمانی کمیٹی لس گچین کاری 2018 ء نا ٹی او آرز نا بابت سلاہ و سوج پیش کیک، دا کمیٹی ٹی حکومت و اپوزیشن نا بریبری نمائندہ اوار ءِ، اگہ دا کمیٹی 15دے اٹی تینا کاریم ءِ پورو کپک تو اودے پین وخت تننگک، ذیلی کمیٹی نا ٹی او آرز نا رداٹ تعلقدار ادارہ غاتے بٹنگ انگ نا فیصلہ کننگک، اوپارے کہ نن ایمانداری اٹ کاریم کینہ انتئے کہ وزیراعظم پارینے کہ نن کس اسے تون بیدادی کپنہ۔
