اسلام آباد۔ 09نومبر (اے پی پی) اسپیکر قومی اسمبلی اسد قیصر پارینے کہ پاکستان و چین نا نیام اٹ مثالی سنگتی تین پہ تینی شرف و پت و سوگو اسٹریٹجک شریداری و معاشی کمکاری نا سوگو بنداو تیا ٹی ءِ، ہڑتوم آ ملک آتا نیام اٹ سدابہار سنگتی مدام ہر آزمائش آ پورو سلیسونے۔ داخیال آتا درشانی ءِ او وائس چیئرمین اسٹینڈنگ کمیٹی آف نیشنل پیپلزکانگریس (این پی سی) ڑانگ چن ڑیان نا سرکڑدہ ہی ٹی چین نا15باسکی پارلیمانی ڈل اتون اوڑدہی ٹی ہیت وگپ کرسا کرے۔ داوخت آ چین نا پاکستان اٹی تعینات سفیر یاوجنگ و پارلیمانی سیکرٹری ریلوے فرخ حبیب ئسک ہم ساڑی ئسر۔ اسپیکر قومی اسمبلی پارے کہ ہڑتوم آ ملک آتا پارلیمان نا نیام اٹ رابطہ غاتے ٹی مون آ دننگ نا کمک اٹ سنگتی نا دا رشتہ ءِ پین سوگو جوڑ کننگ مریک۔ اوپارے کہ وزیراعظم عمران خان نا ساڑی آ دورہ چین نا دوررس نتیجہ دوئی مریک، دادورہ ٹی کروک آ معاہدہ غاتیا عملدرآمد آن پاک۔ چین کمکاری ءِ پین مون آ دننگ دوئی مریک۔ اوپارے کہ چین نا کنڈآن پاکستان اٹی صنعتی زون تاجوڑ کننگ و ٹیکنالوجی نا ٹرانسفر آن روزگار نا پوسکن ءُ وارخواہی ودی مریک و الس نا زند انا آب بڑز مریک۔
