اسلام آباد۔ 09 نومبر (اے پی پی) بنجائی وزیر اطلاعات و نشریات چوہدری فواد حسین پارینے کہ پوسکن آ فلسفی تے ٹی علامہ محمد اقبال نا پن پنی و جتا ءُ حیثیت اس تخک، علامہ اقبال نا کلہو نا روشنائی وخت اتون اوار اوار پین ودنگ ءِ، او دیکی فلسفی تا نظریہ غاتا پوسکن آ علمی وڑاٹ گچین ورندی ترسا اسلامی نظریہ غاتے امنا کرے۔ جمعہ نادے وزیر اطلاعات و نشریات چوہدری فواد حسین یوم اقبال آ تینا کلہو اٹی پارے کہ مفکر پاکستان نا تغ انا تعبیر پاکستان تحریک انصاف نا ایجنڈا و منشور ءِ۔ اوپارے کہ وزیراعظم عمران خان پاکستان ءِ قائد اعظم و علامہ اقبال نا سوچ انا رداٹ جوڑ کننگ نا عزم تخنہ۔ اوپارے کہ ورناتے خاص وڑاٹ علامہ اقبال نا کلام نا مطالعہ کننگ نا گرج ءِ، اقبال ورناتے خودی نا کلہو تس و اوفتے شاہین نا زند تینا کرسا پدریسہ جلد نا درس تس۔ ورناک اقبال نا فکر ءِ تینا کرسا پاکستان و امت مسلمہ نا سہی خذمت ءِ کننگ کیرہ۔
