اسلام آباد۔ 09 نومبر (اے پی پی) وزیر مملکت موسمیاتی بدلی زرتاج گل پارینے کہ پنجاب حکومت کوزہ مافیا غان 300 ارب روپئی آن زیات مالیت نا ڈغار تے پدی ہلکونے، وزیراعظم صوبہ پنجاب اٹی بے اُرا خلقت ءِ بھاز زوت شیلٹر ہوم نا فراوانی نا بناءِ کیک، پارلیمنٹرین نا پیشن نا ملک آتیان درمان کرفنگ نا پابندی درست ءِ۔ جمعہ نادے پارلیمنٹ ہاؤس نا پیشن میڈیا تون ہیت وگپ کرسا وزیر مملکت پارے کہ پنجاب حکومت نا کارکڑد بھاز جوان ءِ۔ گدرینگوک آ اِراتُو اٹی 300بلین روپئی مالیت آن زیات نا سرکاری ڈغار کوزہ مافیا غان پدی ہلکونے ہراٹی محکمہ اوقاف کنٹونمنٹ پارکس آتون اوار ایلو سرکاری محکمہ غاتا ڈغارک اوار ءُ۔ وزیراعظم زوت لاہور آ کاہک و پنجاب نا حکومت نا کارکڑد نا پین جاچ ءِ ہلنگک وخت اس کہ گچین کاری تے ٹی وزیراعظم بے اُرا بندغ آتے شیلٹر تننگ نا وعدہ کریسس، وعدہ ءِ پورو کننگ کن وزیراعظم صوبہ پنجاب اٹی بے اُرا بندغ آتے شیلٹر ہوم نا فراوانی نا بناءِ کیک۔
