اسلام آباد۔ 09نومبر(اے پی پی) چین پاکستان اقتصادی راہداری (سی پیک) نا رداٹ گوادر اٹی انفراسٹرکچر ، ڈویلپمنٹ فارفری زون و ایکسپورٹ پروسیسنگ زون اتھارٹی آ ترندی اٹ کاریم برجاءِ، دازون تے کن 5280 ایکڑڈغار دوئی کننگانے۔ جمعہ نادے سی پیک سیکرٹریٹ نا کمامدارآک ’’اے پی پی‘‘ ءِ پاریر کہ گوار اٹی گوادر پورٹ فری زون اکن 2280 ایکڑ، گوادر انڈسٹریل اسٹیٹ ڈویلپمنٹ اتھارٹی کن 3000 ہزار ایکڑ و ایکسپورٹ پروسیسنگ اتھارٹی کن 1000 ایکڑ ڈغار دوئی کننگانے۔ اوفک پاریر کہ صنعتی بشخ اکن انفراسٹرکچر ، روڈ آتسکان رسینگ، انٹرنل روڈ، دیر ، گیس ، بجلی ، کسٹم فیسلیٹی ، چاردیواری، سیکورٹی ، ویئر ہاؤس ، دفتر و ایلو المی آسراتی تا فراوانی کن ہندجاٹ جوڑ کننگک۔ اوفک پاریر کہ داغٹ ڈٹ آتیا 32 ملین ڈالر خڑچ مریک۔ اوفک پاریر کہ گوادر اٹی گوارپورٹ فری زون، گوادر انڈسٹریل اسٹیٹ ڈویلپمنٹ اتھارٹی و ایکسپورٹ پروسیسنگ اتھارٹی نا ڈٹ سی پیک نا رداٹ چلینگ انگ ءُ ، ولے داغٹ ڈٹ آتا چاروکی ءِ حکومت پاکستان، وزارت پورٹ اینڈ شپنگ و وزارت کامرس کننگ ءِ۔ اوفک پاریر کہ دازون تے ٹی بھاز انگا صنعتی کارخانہ لگنگ ءِ و پین ہم لگک۔
