اسلام آباد۔ 09 نومبر (اے پی پی) بنجائی وزیر قومی جان جوڑی عامر کیانی پارینے کہ حکومت نا 60 دے انا موازنہ 60 سال اتون کننگپ، ملکی شونداری نا ہدف آتا دوئی کننگ کن مون آ ہِننگ ءِ، وزیراعظم نا چین نا دورہ سرسہب مس۔ جمعہ نادے پارلیمنٹ ہاؤ س نا پیشن میڈیا تون ہیت وگپ کرسا بنجائی وزیر پارے کہ حکومت ہدف آتا دوئی کننگ کن کوشست کننگ اٹی ءِ، معاشی گچینی تون اوار ایلو اہم قومی معاملہ غاتیا چکار کننگ انگ ءِ۔ حکومت نا 60 دے انا 60 سال اتون موازنہ ءِ کننگپ۔ بنجائی وزیر پارے کہ وزیراعظم عمران خان نا چین نا دورہ و سعودی عرب آن ملک انا معاشی حالیت آتا گچینی ٹی کمک رسینگک وخت اس کہ حکومت ءِ معاشی گچینی تون اوار ایلو قومی معاملہ غاتیا وخت تننگے۔
